Lidun News-Asosiasaun Parteira Nasional Timor-Leste (APNTL), ho parte Ministeriu Saude (MS) no UNFPA halo sensibilizadaun parteira ba setor saude hodi responde ba Violasaun Bazea ba Jeneru (VBJ) iha Timor-Leste
Iha Fatin Presidente Asosiasaun Parteira Nasional Timor-Leste (APNTL), Lidia Gomes, afirma katak tipu Violensia domestika ne’ebé dalam barak akontese iha Timor-Leste ho tipu hat (4) Violensia Fisiku, psikologiku, ekonomiku no Violensia sexual, ne’ebé akontese iha ida-idak nia familia ho nia parseria sira no iha servisu fatin.
“Tipu violensia ne’ebé maka dala barak akontese iha sira nia servsiu fatin tipu ne’e iha haat tipu violensia Fisiku, Violensia psikologiku Violensia ekonomiku Violensia sexual ne’ebé mak komete husi sira nia parseiru intimu sira nia laen tanba abuxu poder no mos la respeita dignidade husi feto ne’e rasik” Dehan Presidente APNTL Lidia Gomes iha City 8 Manleuana Has laran, Sesta, (11/10/2024)
Nia akresenta, dezafiu husi Parteira Sira hodi fo asistensia ba inan sira hodi labele subar an bainhira hetan komete krime violasaun iha fatin publiku no iha Fatin servisu sira.
“dezafiu sira ne’ebé mak parteira sira APNTL atu bele fo asistensia ba inan sira ne’e mak dala barak inan sira ne’e mai ita Timor ninia karakter ne’e taka an mak barak lakohi atu bele loke an konaba problema ne’ebé mak sira hasoru no mos sira senti ida ne’e tabun komesa sira koalia sai sira ninia problema ne’ebé mak sira hasoru iha uma laran sira senti katak ida ne’e sira atu loke fali sira nia uma laran ne’ebé mak foer, mais tuir lolos lae baut ida Violensia ne’e ita tenke konsidera hanesan krime no ema hotu-hotu ne’ebé mak moris iha sosiedade ida ne’e tenke iha obrigasaun atu bele fo asistensia ka fo suporta ba iha inan sira ne’ebé mak hetan violensia” Nia haktuir
Alende ida ne’e tuir Presidente Asosiasaun Parteira Nasional Timor-Leste (APNTL), afirma katak paskiza iha tinan2016 ne’ebé dadus 80% maioria feto ne’ebé iha esperiensia ho tipu Fisiku, psikologiku, ekonomiku no Sexual
“Tuir peskiza ne’ebé ami halo iha 2016 hatudu katak feto timor nene iha oitenta pursentu mak iha ona esperiensia konaba Violensia ho tipu hat ida ohin hau temi ne’e, ne’e ba inan sira no mos ba feto labarik sira hotu”hateten Nia
Diretor Saude Munisipiu Dili, Mateus pinto, Haktuir katak serimonia sensibilizasaun ba papel responde Violasaun Bazea ba Jeneru (VBJ) ne’ebé importante tebes hodi kontinua no kontribui sensibiliza ba komunidade konaba Violasaun Bazea ba Jeneru nian no mos fo informasaun ne’ebé los liu-liu ba parteira sira no sira ne’ebé iha Universidade ne’ebé iha vontade hodi pratika iha komunidade sira.
“Hau hanoin importante los ba parteira deit liu-liu sira ne’ebé servisu iha autoridade Munisipiu Dili hau hanoin ezerse funsaun ne’ebé ke importante ne’e hau husu para sira tenke kontribui ita tenke kontinua halo usa para ita bele agora dadaun ita iha ne’e koalia konaba papel oinsa atu responde Violensia Bazea ba Jeneru iha komunidade entaun hau hanoin ne’e importante oinsa ita bele sensibiliza oinsa bele fo formasaun ba ita nia alin sira ne’ebé ke Parteira ne’ebé foin hotu karik maluk sira ne’ebé universitariu iha vontade para atu bele ajuda hau hanoin ne’e importante senior sira mos tenke ajuda tenke fo informasaun ne’ebé klaru ba ita nia alin sira ne’ebé foin hotu hanesan oin hau koalia iha Universidade buat ketak ida mais pratika iha komunidade ne’e mak importante tanba ho ita nia dedikasaun ita ninian hanoin ne’ebé ke diak ita bele kontribui ona para oinsa ita bele hetene katak Violasaun Bazea ba Jeneru Laos Violasaun Bazea ba Jeneru deit moras seluk mos agora dadauk as los iha ita nia rai, entaun oinsa mak ho papel ita nian ho Parteira infermeiru Mediku sira para oinsa ita bele hamenus ka ita bele minimiza buat sira hanesan ne’e labele akontese bebeik bele mos aban bain rua karik se bele ita bele halakon tanba buat sira hanesan ne’e la diak iha ita nia rai no ita nia povu, hau hanoin ne’e importante para oinsa mak sira bele kontribui” afirma diretor Saude Munisipiu Dili
Iha Sorin seluk, Jerente Programa Violasaun Bazea ba Jeneru (VBJ) UNFPA, Dircio Francisco Ximenes, hateten UNFPA servisu hamutuk ho setor saude hodi prevene kazu Violasaun Bazea ba Jeneru tanba ne’e UNFPA apoiu fo formasaun ba parte saude no Mediku nune’e bele atendimentu ne’ebé kualidade ba vitima sira ne’ebé hasoru Violasaun Bazea ba Jeneru (VBJ) ne’e.
“Ba UNFPA Hau hanoin ami dervisu hamutuk ho setor saude, setor saude hanesan ohin ita hotu hatene katak papel importante atu prevene no responde ba kazu Violasaun Bazea ba Jeneru entaun UNFPA kontinua servisu hamutuk ho ministeriu saúde atu apoiu Formasaun sira kapasitasaun sira ba pesoal saude sira Doutor Parteira sira oinsa para bele iha abiliddade koñesimentu atu bele fo atendimentu ne’ebé diak liu kualidade ba sobrevivente ka vitima kazu Violasaun Bazea ba Jeneru” Dehan Dircio
Nia salienta, formasaun ida ne’e fokus liu ba parteira sira hodi sensibiliza oinsa hatene no iha koñesimentu baziku ba Kazu Violasaun Bazea ba Jeneru (VBJ) ne’ebé akontese iha fatin publiku no iha instituisaun sira liu-liu iha familia uma laran nian.
“Ohin ne’e hau hanoin ita fokus espesial liu ba parteira sira oinsa bele sensibiliza sira atu bele iha koñesimentu oinsa atu rekoñese no mos atu fo kuidadu basiku depois atu halo referal ba Kazu Violasaun Bazea ba Jeneru” Nia hakotu
Jornalista : Ressy
Editor : Lidun news
