Lidun News-(Dili, 04/09/2025): Banku do Nosso Futuru ((BNF) Halo ona Lansamentu ofisial ne’ebé loke husi Veteranu/a sira hodi koa salariu loron ida $1 ne’ebé fulan ida $ 30 nune’e fo kreditu ba Veteranu/a, Timor oan hotu no ba empresariu sira iha Timor-Leste hodi bele loke konta bankaria iha BNF.
Presidente Konsellu Kombatente Libertasaun Nssional ( sigla Portugés CCNL), Vidal De Jesus “Riak Leman”, hatete agradese ba IX Governu konstitusionál ne’ebé apoiu makas ba CCNL hodi hari Banku Veteranus nian ne’ebé sai Banku do Nosso Futuru (BNF)
“Agradesimentu boot wain tebes ba governu nonu governu konstitusionál ne’ebé fó apoiu makas suporta Veteranus sira i ohin loron bele ofisiáliza Banku Veteranu nian mais Banku do Nosso Futuru” dehan Presidente Konsellu Kombatente Libertasaun Nssional (sigla Portugés CCLN), Riak Leman, iha komoro eix arte moris.
Alende ne’e mós Banku Centrál Timor-Leste (BCTL) ne’ebé halo aproximasaun no Komunikasaun ba Consellu Combatente Libertasaun Nssional (CCLN) hodi tuir regulamentu ne’ebé Banku Centrál Timor-Leste (BCTL) fo nune’e harii duni Banku do Nosso Futuru (BNF) ne’e
“Agradese mós ba sua exelensia Governador Banku Centrál sempre mantein ligasaun aproximasaun komunikasaun permanente ho konsellu dos Kombatente libertasaun i kriteriu sira ne’ebé mai husi Banku Centrál ami kumpri i ohin loron ita bele harii ita nia Banku, Banku do Nosso Futuru” Riak Leman, informa
Entre tantu harii Banku do Nosso Futuru (BNF) halo kooperasaun ho empresariu sira ho entidades internasionál no nasionál hamutuk hodi hari Banku do Nosso Futuru (BNF) nune’e responde ezizensia Veteranus sira nian.
Governador Banku Centrál Timor-Leste (BCTL), Hélder Lopes hatete Conslho Combatentes Libertasaun Nssional (CCLN) hetan suporta husi Banku Centrál Timor-Leste (BCTL) ne’ebé hetan lisensa husi BCTL tanba hari Banku la fasil maibé defisil.
“CCLN fo suporta husi Governu sira konsege hetan lisensa husi Banku Centrál, tanba atu hetan lisensa husi Banku Centrál hodi hari Banku ida la fasil maibé sira konsege hetan duni nune’e” dehan Governador Banku Centrál Timor-Leste (BCTL).
Enkuantu Governndor fo kriteria hodi priense nune’e harii Banku do Nosso Futuru (BNF) osan, jerente no kreditu ba Veteranu no kliente hotu-hotu iha Timor-Leste.
“Iha ne’ebá iha perguntas tolu ne’ebé mak ami husu primeiru ita boot sira iha osan ka lae? Segundu se mak atu jere Banku ne’e? Terseiru Banku ne’e atu halo saida? Sira konsege resposta pergunta sira ne’e hotu. Pergunta primeira dehan sira iha osan ka lae sira responde ho fiar an dehan ami iha osan, depois ami cek sira iha osan duni ka lae, sira iha duni tanba iha Timor entermus de instituisaun iha instituisaun tolu de’it maka riku iha Timor ida maka Governu tanba Governu iha ninia fundu minarai, rua maka institutu Nasionál Seguransa sosial tanba nia iha fundu rezerva seguransa sosial, tolu maka CCLN tanba nia iha fundu investimentu Veteranus” Governador esplika
Governador Banku Centrál Timor-Leste (BCTL) husu hodi tau kapitál minimu ne’ebé tuir rekezitu lei nian maibé Veteranu sira fó liu tanba Veteranu iha osan
Banku do Nosso Futuru (BNF) ne’e jerente husi Timor oan Profisional nian atu jere osan Veteranu nian nune’e Veteranu hamutuk ho Profisional hodi Banku do Nosso Futuru (BNF) sai buras liu tan iha Timor-Leste
“Ami husu dehan se mak atu jere Banku ida ne’e tanba ami duvida Veteranu sira mak jere bele lori Banku ne’e ba dalan ne’ebé ke dala ruma ita la espera nune’e ami husu pergunta ida ne’e sira dehan ami sei la jere Banku ida ne’e maibe ami sei fo ba Profisional sira mak jere, tanba ne’e maka sira responde ami pergunta ho di’ak sira tau duni ema Timor oan Profisionais sira hodi jere Banku ida ne’e i sira sei kontinua rekruta i espera katak sira Profisionais ne’ebé ke nain Veteranus sira eskolha ona hodi servisu iha BNF, ita boot sira bele tau matan ba banku ida ne’e ho didiak hodi nune’e ohin hamrik i sei buras liu tan” nia haktuir
Banku do Nosso Futuru (BNF) primeiru kliente ne’ebé loke konta bankaria husi Presidente da Repúblika Demokrátika de Timor-Leste (RDTL) ne’ebé iha lansamentu Ofisial BNF ne’e
Iha lansamentu Ofisial ba Banku do Nosso Futuru (BNF) ne’e lansa husi Sefi Governu Primeiru Ministru (PM) Xanana Gusmao, partisipasaun husi Presidente Repúblika Demokrátika Timor-Leste (RDTL) Ramos Horta, Vise PM, Mariano Asanami, Ministru Justisa (MJ) Sergio Hornai, General Reformadu Lere Anan Timur ho nain Veteranus sira husi kada Munisípiu no Banku nasionál sira inklui Banku internasionál sira.
Jornalista : Perre
