Lidun News (Dili)- Diretor Ezekutivu Fundasaun Mahein (FM), Abel Amaral hateten Fundasaun Mahein (FM) halo lansamentu relatoriu polítika programasaun ba Polísia Nasionál Timor-Leste (PNTL) nian hodi responde ba lakunas no rekursu umanos, infra-estrutura no ekipamentu ho ida ne’e iha relatoriu ne’e hodi avalia ba situasaun atual ne’ebé akontese ne’e.
“Ohin Fundasaun Mahein halo lansamentu relatoriu ida relatoriu ne’e polítika programasaun PNTL nian atu responde ba lakunas rekursu umanos infra-estrutura no ekipamentu, relatoriu ne’e bazea ba peskiza ba estudus ida ne’ebé avalia ba situasaun atual PNTL nian ba PNTL nia organizasaun ba kooperasaun foka ba asunto save sira ne’ebé mak ohin ha’u temi rekursu umanos infra-estrutura no ekipamentu sira” dehan Diretor ezekutivu Abel Amaral ba jornalista sira iha knaar fatin Bidau, Sesta (28/03)
Iha relatoriu ne’e Governu tenke dezenvolve polítika programasaun ba Polísia Nasionál Timor-Leste (PNTL) ne’ebé dezenvolve liu husi peskiza no estudu ida hodi halo dezenvolvimentu durasaun tempu naruk nian.
“Relatoriu ne’e deskobre katak governu presiza Governu tenke dezenvolve polítika programasaun PNTL nian, polítika ida ne’e tenke dezenvolve liu husi peskiza ka estudus atu dezeña programa ida ne’ebé maka foka ba asunto investimentu no dezenvolvimentu ba tempu badak, tempu médiu no tempu naruk” nia informa
Polítika programasaun ba PNTL ne’e sei garante katak labele iha politizasaun hodi garante nia kontinuidade bainhira governu troka malu kada tinan 5 nafatin kontinua polítika programasaun polísia Nasionál Timor-Leste (PNTL) nian.
Alende rekursu umanus iha polísia Nasionál Timor-Leste (PNTL) dadaun ne’e seidauk halo rekrutamentu ba membru foun ne’ebé ho númeru naton boot iha instituisaun PNTL no iha postu sira menus ba membru PNTL nian.
“Muda ba rekursu umanus dadaun ne’e PNTL seidauk halo rekrutamentu ba membru foun ne’ebé membru ne’ebé mak númeru ne’e naton iha postu ga Munisípiu sira iha territóriu nasionál membru polísia menus teb-tebes komandante polísia viola sira nia direitu sira labele foti anual no labele foti lisensa ne’ebé nesesariu tanba ema menus teb-tebes, entaun bainhira sira foti anual ne’e komandante polísia tenke bolu fila fali sira ba halo nia knaar entaun presiza tebes duni halo rekrutamentu ida ne’ebé basea ba nesesariu basea ba programa PNTL nian”
Entre tantu rekrutamentu ba membru foun Polísia Nasionál Timor-Leste (PNTL) dadaun ne’e konsellu Ministru foti ona desizaun hodi halo rekrutamentu ba membru foun, tanba ne’e fundasaun Mahein hato’o hodi halo rekrutamentu ba nivel ofisiáis.
“Relasiona ho rekrutamentu ida ne’e dadaun ne’e Governu halo hela no Konsellu Ministru halo ona desizaun atu halo rekrutamentu maibé Funsaun Mahein hakarak hato’o katak rekrutamentu ne’e presiza mós iha nivel sira ne’ebé mak ofisiáis atu bele priense diretor nasionál sira ka diretor departamentu sira iha instituisaun PNTL, komandante unidade sira no komandante Munisípiu sira ne’ebé bainhira rekrutamentu ne’e jerál de’it sira to tiha ona katuas ka ferik ona mak foin halo promosaun, horseik iha promosaun ida ne’ebé governu halo promosaun governu maka lídera la’ós instituisaun PNTL”
Pesoas ne’ebé halo promosaun ne’e serve halo servisu iha polísia Nasionál Timor-Leste (PNTL) durante tinan barak ona iha PNTL maibé ho idade ne’ebé avansadu ona tanba ne’e presiza halo rekrutamentu ba ofisiáis ne’ebé ho idade produtivu sira hodi priense ba kargu hirak ne’ebé iha instituisaun PNTL nian.
“Ema sira ne’ebé maka pesoas ne’ebé mak halo promosaun ne’e serve tinan barak ona iha instituisaun PNTL, sira idade ida ne’ebé mak kuaze avansadu ona tanba ne’e mak tenke presiza iha rekrutamentu ida ba ofisiáis nian atu nune’e idade produtivu ne’e bele priense vaga sira ne’ebé mak hanesan ohin ha’u temi diretor unidade sira diretor departamentu ba komandante unidade ho komandante Munisípiu sira” nia haktuir
Jornalista : perre
