Lidun News-(Dili, 21/07/2025). Diretora PLAN internasional Timor-Leste, Fatima Estrela Soares, hatete ne’e hanesan onra boot ida hodi hamutuk fila fali iha ne’e ho aktividade diferente no inspiradu ho Tema loron ohin nia mak oinsa hatudu respeita fo espasu ba ema hotu .
“Loron ida ohin ne’e ita mai hamutuk hodi komemora Loron Pride no loron Nasional ba ema ho defisiensia maske liu ho akitividade seluk ne’ebé mak halo Liu ona ohin ita selebra atu fo hanoin malu nafatin ba loron importante ida ne’e no reafirma ita nia prinsipiu ne’ebé importante tebes hodi hare katak oinsa Ema hotu tenki hetan respeitu espasu moris ho liberdade no oportunidade hanesan” dehan Diretor PLAN internasional Timor-Leste Fatima Estrela Soares, iha Fundasaun oriente, Segunda (21/07)
Enkuantu, iha atividade ida ne’e oinsá atu prátika hahú hahu husi ita nia an rasik nune’e bele respeita maluk sira ne’ebé husi komunidade LGBTIQ+ no Ema ho Defisiensia (EhD) sira.
“ohin ita hamutuk iha ne’e presija nafatin ita atu lakoi hare bebeik iha suratahan maibe ita hakarak tau iha pratika hahu husi ita an rasik oinsa bele respeita maluk sira iha ita nia sorin-sorin Liu-liu sira ne’ebé mai husi Komunidade LGBTQ+ no maluk sira defisiensia no feto no grupu marjiniliadu sira seluk” nia informa
Eventu ida ne’e hetan Oportunidade ida liu husi projetu ne’ebé hetan fundus husi uniaun europeia (UN) ne’ebé projetu ne’e ho naran “futuru inkluzivu no seguru
Entre tantu husi projetu ne’e Plan internasional ho komitmentu hodi kontinua implementa projetu ne’ebé husi Uniaun Europeia (UE) fo hodi kontinua haboot no prátika planu tinan liman nian oinsá hare direitu ba Ema ho Defisiensia (EhD) no komunidade LGBTIQ+
“Tamba ne’e mak iha momentu ida ne’e husi plan internasional atu reafirma ami nia komitmentu ami sei kontinua implementa projetu ne’ebé uniaun europeia fo fundus kontinua hari haboot pratika diak sira ne’ebé iha ami hahu husi diskuti kontinua iha komitemntu iha Tinan lima oin mai planu estratejia Tinan lima sei lansa iha fulan agustu no ami nia intervensaun boot ida mak oinsa hare ba direitu maluk sira defisiensia no Komunidade LGBTIQ+ ida nee tau ona mi nia komprimisu boot no sei servisu hamutuk ho organizasaun sira oinsa atu hamrik hamutuk hodi hare oinsá implementa lei no politika sira ne’ebé mak iha no oinsá mos hare mos area sira seluk bele apoiu komunidade LGBTIQ+ komunidade Defisiensia liu husi servisu hamutuk ho organizasaun hotu no ami sei kaer metin oinsa servisu hamutuk Juventude sira no eventu ida ohin ita hamutuk komemora diversidade kria espasu seguru desafia estigma no diskriminasaun nu’une ita hamutuk nafatin garantia ema hotu moris ho dignidade orgulu ho partisipasaun iha sosiedade” nia haktuir
Jornalista : Perre
