Lidun News 17/02/2025: Polisia Nasional Timor Leste (PNTL) liu husi departementu tranzito seguransa rodaviaria nasional halo pasa revista ba motorizada privadu Hamutuk 100 resin ne’ebé Dokumentus mate no karta Kondusaun mate.
Iha Fatin ne’e Xefe Departementu Tranzito Seguransa Rodaviaria Nasional (DTSRN) Superintendente Asistente Polisia, Luis da Costa, hateten iha pasa revista ne’e liu husi servisu polisia nasional Timor Leste departementu tranzito seguransa rodaviaria nian hamutuk ho komandante polisia nasional Timor Leste munisipiu Dili nian hodi regulariza nafatin ba sidadaun hodi utiliza transporte tuir regras lei kodigu estrada ninian.
“Pasa revista ne’ebé maka husi diresaun tranzito seguransa rodaviaria halao ne’e ne’e atividades ida normal ita hala’o diariamente hahu husi diresaun tranzito seguransa rodaviaria ninian no mos komando PNTL Munisipiu de Dili, portantu ita iha intensaun maka hakarak atu regulariza nafatin ita nia sidadaun sira hotu oinsa atu sira bele utiliza transporte liu-liu motorizada sira ne’e tenki priense regra lei kodigu estrada ninian portantu lor-loron ita sempre halo pasa revista ba iha dokumentus ba iha karta kondusaun no mos ba motor sira ne’ebé maka la priense rekezitos ne’e karik sira viola prontu ita prende para sira lori ba selu iha banku central Dili ninian” dehan Sefe DTSRN Superintendente Asistente, Luis da Costa iha Audian
Entre Tantu iha fatin ne’e polisia nasional Timor Leste (PNTL) Liu husi departementu tranzito seguransa rodaviaria nasional halo pasa revista ba motorizada privadu deit la halo pasa revista ba transporter publiku ho privadu no maibé la taka dalan ba transporte publiku no privadu hodi halo pasa revista ho razaun motorizada kuaze maioria halo movimentasaun nakonu iha Dili laran.
“Ita halo ida ne’e normalmente ita halo ba motorizada sira ne’e maibe la taka dalan mos ba iha transporte publiku no mos transporte privadu sira ne’e portantu ita nia atividades ida ne’e atividades tinan ne’e semanal ita halo cek poin ne’ebé fazedamente ita halo ba iha motor dala ruma mos ita halo ba iha transporte publiku no mos ba transporte ne’ebé maka privadu sira, tanba ita hatene katak transporte ne’ebé maka sirkula iha ita nia territoriu ne’e kuase maioria ne’e barak maka transporte motorizada sira portantu motorizada dala ruma ita hare iha keisa iha lamentasõens ne’ebé maka ema publika iha media sosial portantu motor balun lakon iha fatin-fatin entaun hodi ida ne’e maka ami nia konsenntrasaun ba iha transporte liu-liu motorizada sira ne’e” dehan Luis da Costa
Entre Tantu servisu diresaun tranzito seguransa rodaviaria nasional hodi apoiu komando polisia nasional Timor Leste (PNTL) hodi halo pasa revista ba motorizada ne’ebé hamutuk 100 resin ne’ebe kuase dokumentus mate no la iha karta kondusaun sim.
“Hau bele dehan sén ital tanba barak la halimar maibe ida ne’e maka servisu diresaun tranzito seguransa rodaviaria ne’e lor-loron apoiu komando PNTL Munisipiu Dili para atu bele normaliza atu bele kontrola ita nia sidadaun sira ne’ebé sirkula lori transporte publiku tantu transporte privadu” nia haktuir
Jornalista : Ressy
Editor. : lidun news
