Lidun News-(Dili, 04/09/2025). Sentru Ba Haburas Movimentu Direitus Umanus (SHMDU) konsidera Parlamentu Nasionál (PN) prioritiza kultura Neo-kolonislismu hodi hafraku sistema iha instituisaun estadu nian
Porta Voz, Joáo Kampus, hatete Sentru Ba Haburas Movimentu Direitus Umanus (SHMDU) hanoin Parlamentu Nasionál (PN) hodi garante boa-governasaun atu prosesu ezekusauk Orsamentu Gerál do Estadu (OGE) no prepara lei hodi interese komum no interese povu tomak nian.
Maibé realidade Parlamentu Nasionál (PN) hatudu no la prioritiza interese públiku ne’ebé prioritiza kultura Neo-kolonislismu hodi hafraku sistema estadu nian no akumula rikeza povu nian iha Parlamentu Nasionál (PN)
“Sentru Ba Haburas Movimentu Direitus Umanus nian hanoin Parlamentu Nasional fatin atu garante boa-governasaun iha prosesu ezekusaun orsamentu jeral do estadu no prepara lei sira ne’ebé defende interese povu tomak nian liu husi dezisaun no kontrolu ba distribuisaun justisa social ne’ebé hanesan ba ema hotu. Realidade hatudu katak, Parlamentu Nasional la prioritiza interese publiku-maibė prioritiza kultura neo-kolonialismu hodi hafraku sistema Estadu liu husi akumulasaun kapital no riqueza povu nian ne’ebé konsentradu iha bolsu no politika sira nian-liu-hosi previlejiu oi-oin ne’ebé mak aprova ona ba grupu kiik ida ho nia familia sira mak goza husi jerasaun ba jerasaun” dehan porta Voz, Joáo Kampus, liu husi komunikadu Imprensa iha Hak
Nia informa katak, povu kiak no mukit iha ukun nain nia matan no povu nia oan fan lemo-lemo iha dalan-dalan no situasaun saúde kontinua sai problema boot maibé ukun nain kontinua interese nia an, grupu, partidu no familia sira.
“povu kiak no mukit nia oan sira governu fa’an lemo-lemo atu bele atinji empregu no situasaun saúde kontinua sai problema boot ba povu kiak no mukit sira”. Porta Voz Joáo Kampus haktuir
Alende iha Konstituisaun RDTL artigu 48 koalia kona-bá “sidadaun ida-idak iha direitu atu aprezenta petisaun, keixa ka reklamasaun ba órgaun soberanu sira ka autoridade relevante sira hodi defende sira-nia direitu, Konstituisaun, lei no interese públiku”. Asaun koletivu atu proteje no defende direitu individu no mós atu defende interese públiku, defende prinsipiu fundamentál sira iha Konstituisaun no defende legalidade demokrátiku iha Estadu ida-ne’e.
Enkuantu Sentru Ba Haburas Movimentu Direitus Umanus (SHMDU) orgaun iha Timor-Leste la kualidade fo ameasa ba akuntabilidade instituisaun ne’ebé iha Timor-Leste liu-liu Parlamentu Nasionál (PN) ne’ebé sai segundu orgaun soberania hodi reprezentante povu iha uma fukun PN ne’e
“Ami preokupa ho orgaun Soberanu 4 iha Estadu neébe la garante ona kualidade institusional ne’ebé mak fő amesa boot ba prosesu akuntabilidade institusional iha Timor-Leste. Liliu Parlamentu Nasional nu’udar segundu orgaun soberanu ne’ebé reprezenta Povu Timor-Leste-atu avalia no fiskaliza servisu governu nian hodi atinji mehi boot estadu nian ne’ebe konsagra iha KRDTL artigu 6º ne’ebé obriga membru parlamentu nasional atu hala’o nia funsaun importante iha Demokrasia no partisipativa ba interese komun”. Nia informa
Jornalista : Perre